黑布小巷

營業中

休息中

之前食過旺角嘅分店，原來最近觀塘亦開咗間新店，呢晚經過觀塘，專登過嚟試吓。秘製紅燒牛肉麵（$68）- 牛肉好淋好入味，麵條質感有少少似烏冬，煙靱彈，味道唔錯。芝士吞拿魚粟米蛋餅（$49）- 呢個係必食推介，蛋餅外脆帶蕉香，入面有芝士、吞拿魚及粟米，做到拉絲效果，幾款材料味道非常匹配。肉羹麵線（$42） - 據聞係餐廳嘅新出品，標榜係微辣，所以唔食得辣嘅朋友都可以點。麵線入口軟滑，肉丸呈條狀，彈牙爽口，味道相當唔錯。湊湊豆腐湯 （$38）- 呢個會比麵線辣少少，入邊嘅臭臭豆腐索晒香辣嘅湯，非常之惹味。黑布台式香腸（$28）- 香腸皮脆肉嫩，彈牙爽口，肥瘦適中，帶油脂香味，用嚟作小食非常之開胃。小店嘅飲品選擇都唔少，跟餐加$9及$12點咗綠研及茉莉花茶各一杯，口味清新，唔會太甜，感覺健康啲。