影片
更多
2022-07-10
1114 瀏覽
因為疫情嘅關係，大型聚會已經係唔會參與，亦都好少出去食飯，但今個月份哥哥同細佬生日，限聚令又放寬至8人，雖然近排確診人數持續上升，但今年都出去聚下啦！揀去Ruby因為我係會員有折，而且我每個月會有一個主菜同小食Free，以前個個月都會去，但係佢改咗制度之後我基本上係唔會嚟，因為佢要我哋Discount 消費滿$400先可以享用個Free主菜，即係話你餐牌要消費$800，基本上我兩個人係好難食到，所以人多我先至會去，變咗而家一年都去唔到二次。所以如果想join會員嘅就要諗清楚，因為佢唔會理你哋隨時改制度冇承諾，仲有喺佢哋FB留言講呢個問題就即係封你，佢公司HR衰到冇朋友，基本上好多舊會員已經報咗消委會同埋海關。講返正題啦！其實佢食物嘅質素同員工嘅服務不嬲都唔差，食物有問題同佢講佢都會話同你換，而且我做會員已經好多年，以前成日去儲落唔少積分，大聚會嘅時候就會換飲品，所以今日10個人所有飲品係唔使錢，講返嘢食，推介一定要食嘅就係Four-way Sample拼盤對對碰；可以任揀四樣，但係佢嘅魷魚鬚真係好好食，一啲都唔乾又夠粗，真係好正，所以我次次都揀兩份，另外雞翼同埋芝士棒（唔記得揀麵包蝦添
講返正題啦！其實佢食物嘅質素同員工嘅服務不嬲都唔差，食物有問題同佢講佢都會話同你換，而且我做會員已經好多年，以前成日去儲落唔少積分，大聚會嘅時候就會換飲品，所以今日10個人所有飲品係唔使錢，講返嘢食，推介一定要食嘅就係Four-way Sample拼盤對對碰；可以任揀四樣，但係佢嘅魷魚鬚真係好好食，一啲都唔乾又夠粗，真係好正，所以我次次都揀兩份，另外雞翼同埋芝士棒（唔記得揀麵包蝦添，雞翼應該散叫，一時失手）雞翼就人人都鍾意食㗎啦！我通常揀原味，都好味嘅，另外芝士棒都有驚喜，咬出嚟啲芝士有拉絲，跟住梗係經典嘅露比燒排骨，通常亦係叫原味，保持水準…正，肉眼扒係我free嘅主菜，今日呢個都好食，我唔鍾意食生通常食7成，但係要做到呢個效果就好易失手，一係就太生要整過、一係就太熟老得滯，但今次呢個火候做得啱啱好，值得一讚，其他嘢仲有free小食芝士醬配玉米片（今個月呢個普通啲但係都可以）、珍寶蟹肉餅、巴馬芝士明蝦意粉、珍寶蟹肉芝士通心粉，加州墨西哥烤餅（唔記得影相，裏面有牛油果🥑，好食架好多時會叫）、迷你露比漢堡、迷你露比三重奏（因為姐姐同妹妹都唔食牛，呢個裏面有一個係豬肉漢堡，所以特登叫比佢哋）、三文魚沙律、忌廉菠菜（有驚喜幾好食）、甜品推介一定要食呢個Chocolate Talltake濃情朱古力，份量夠晒大，朱古力蛋糕底唔甜，配埋雪糕加忌廉，真係好正，意式芝士蛋糕（呢個普普通通，冇乜特別）平時我都鍾意食Double Chocolate Cake朱古力心蛋糕，不過今次費事叫兩款朱古力。好耐都冇嚟啦！整體質素高嘅，全部嘢都好食，我會員有折再加積分換嘢同free嘅主菜同小食，埋單二千幾真係好抵，如果唔係會員真係傻傻地先會去好貴，上菜好快冇漏單，員工服務同態度亦都好，唔係佢公司HR衰，值得推介。
Four -way Sampler拼盤對對碰
24 瀏覽
0 讚好
0 留言
露比燒排骨
32 瀏覽
0 讚好
0 留言
Chocolate Tallcake 濃情朱古力
24 瀏覽
0 讚好
0 留言
張貼
