天仁茗茶 (已結業)

食完飯突然想飲珍珠奶茶，就去咗誠品上面嘅天仁茗茶✌🏻雖然尖沙咀有好多其他選擇，但係都係覺得珍珠奶茶來講，最好飲都係天仁茗茶仲要價錢好平民🤣同同事一齊去，佢就叫咗鐵觀音雪糕，我就叫咗經典嘅招牌，珍珠奶茶 安全得來，知道一定好味，唔會差得去邊！最鍾意就係天仁茗茶嘅珍珠，感覺好似有少少黑糖味，偏硬，但係算好有口感既硬度😍至於我朋友，飯後甜品一定係雪糕！佢諗左好耐邊隻味，最後都係揀咗鐵觀音茶味！仲要係筒裝😍 筒裝真係好抵食，因為佢個筒好大，連個筒裏面都有好多雪糕，完全冇偷工減料 呢方面好抵讚！我本身唔好雪糕～但好鍾意鐵觀音，所以覺得幾好食