祥興記上海生煎包 (樂道)

營業中

休息中

幾年前係荃灣行過見到祥興記生煎包，試過一次！好多時都會掛住，但係又唔會專登去搵黎食！一直都係等緊有機會可以再食！早幾日同老婆出尖沙咀食晚飯，食完晚飯行過樂道既然祥興記就係我眼前，即刻要買份食今次就試左一份招牌+鮮蝦生煎包，順便可以試下鮮蝦生煎包！見佢地都已經整好晒放係個鑊度，諗住佢唔會好熱！點知一啖咬落去，俾入面d湯汁碌到個咀！原來d生煎包仲keep到好熱！呢個招牌口味真係好好味！個包皮真係薄到同餃子皮差唔多！入面有滿滿既肉汁，最正係d肉汁唔係好多油！成個包都唔係好油，個包底仲煎得好脆！鮮蝦口味我就覺得都幾好味既，不過可能我自己都係鍾意傳統d，所以鍾意食招牌口味多d! 不過值得一提既係個包入面隻蝦都幾大隻，幾鮮味！鍾意食蝦可以一試！整體黎講完全無失望，真係好好味！