🐷炭燒豬頸肉生菜包 ($88)
豬頸肉燒得幾香口，邊位帶少少焦脆，肉質爽嫩唔乾身。生菜新鮮爽脆，配埋自家製辣醬幾開胃。而且份量好多，好抵食。
🍝排檔海鮮炒粉絲 ($98)
鑊氣足，粉絲炒得夠乾身。海鮮有蝦、魷魚，元貝，蝦肉幾彈牙，元貝好鮮甜，加埋其他配菜如炒蛋，粟米芯等，好適合香港人口味。
🥬蒜蓉椰菜苗 ($68)
菜苗嫩綠冇渣，蒜香味適中唔會太濃。炒得夠爽脆清甜，油量控制得幾好，食落唔會覺得膩。
🐟泰式明爐烏頭 ($168)
烏頭幾新鮮，肉質嫩滑。酸辣湯底偏溫和，香茅味突出，因為我喉嚨痛唔食得辣，廚師將個辣汁分開咗，另外，配料有草菇同肉碎，十分足料。
