影片
更多
2017-09-25
243 瀏覽
蘇州名勝滄浪亭🏯為宋代詩人蘇舜欽👤被貶後✉️因見此地風光如畫🌇，故買地而建亭。上海蘇杭都有名菜館🈵以此名發蹟起家↗️，所以敢以滄浪亭為名而傳承兩代👴🏻👶🏻，屹立不倒🎋，可見必有獨到之處。是日心情鬱悶↘️，見某網報導紅磡美食，見翻曾經熟悉的「滄浪亭」，此情此景即仿效大詩人蘇舜欽(自以為），一於到滄浪亭欣賞美景(美食)。舊地重遊，當然要故食重嚐啦。「嫩雞煨麵」評分：7.8/10 保持水準，雞湯一飲難忘奶白色嘅湯底，香濃嘅雞味，滑溜嘅質感，保持住美乎本店老爹嘅高水準(紅磡分店係二代承傳主理)，盡得真傳。煨麵雖然一向唔係我杯茶，但平心而論，麵夾起食到尾仍霖而不爛，吸盡湯汁係好味嘅。美中不足係個雞，份量少而碎上，仲有少少雪味。雖然明白四十大洋鮮雞難求，但始終叫得嫰雞煨麵咁就要扣吓分啦，如果改叫雞肉煨麵或雞湯煨麵就會貼題啲。其實呢味招牌菜個湯係值10分嘅！可惜個雞扣咗2分，另個人鐘意硬面扣咗0.2分所以得7.8/10，不過仍然係必食推薦嘅。「雞絲粉皮」評分：7.5/10 抵食夠份量每次食上海菜必叫，尤其夏天。呢度個粉皮夠曬份量多到好似裝飯咁！另外個皮夠爽口同唔會太粗身，最怕坊間果啲粗到沙河粉咁大沾
上海蘇杭都有名菜館🈵以此名發蹟起家↗️，所以敢以滄浪亭為名而傳承兩代👴🏻👶🏻，屹立不倒🎋，可見必有獨到之處。
是日心情鬱悶↘️，見某網報導紅磡美食，見翻曾經熟悉的「滄浪亭」，此情此景即仿效大詩人蘇舜欽(自以為），一於到滄浪亭欣賞美景(美食)。
舊地重遊，當然要故食重嚐啦。
「嫩雞煨麵」
評分：7.8/10 保持水準，雞湯一飲難忘
奶白色嘅湯底，香濃嘅雞味，滑溜嘅質感，保持住美乎本店老爹嘅高水準(紅磡分店係二代承傳主理)，盡得真傳。
煨麵雖然一向唔係我杯茶，但平心而論，麵夾起食到尾仍霖而不爛，吸盡湯汁係好味嘅。
美中不足係個雞，份量少而碎上，仲有少少雪味。雖然明白四十大洋鮮雞難求，但始終叫得嫰雞煨麵咁就要扣吓分啦，如果改叫雞肉煨麵或雞湯煨麵就會貼題啲。
其實呢味招牌菜個湯係值10分嘅！可惜個雞扣咗2分，另個人鐘意硬面扣咗0.2分所以得7.8/10，不過仍然係必食推薦嘅。
「雞絲粉皮」
評分：7.5/10 抵食夠份量
每次食上海菜必叫，尤其夏天。
呢度個粉皮夠曬份量多到好似裝飯咁！另外個皮夠爽口同唔會太粗身，最怕坊間果啲粗到沙河粉咁大沾到好多醬就太咸。個麻醬唔太甜亦唔太咸啱啱好，加埋芝麻夠曬香口。唯二美中不足嘅係冇加少少菜''浪''吓底比較易溜，同埋咁大份量用碗裝想撈個醬去底時會整跌曬，食到好論盡🐷，如果用碟上就比較貼心啲。
「紅燒獅子頭麵」
評分：8.5/10 推介，推介，推介，重要嘢要講三次
碗面一上已見擺得靚靚，個湯嘅色水做到上海傳統''濃油赤醬''感覺，試一口，味道比睇起黎淡。因本人比較重口味，有啲失望之際，唯有轉移目標去個獅子頭到，銳開一試，有驚喜喎！
獅子頭裡面全部上曬色，加足料煮過，外層比裡面深色，真如紅燒其名！全個都好惹味同入味，唔會話得個面夠味裡面''淡某某''。口味係偏甜嘅，但肉質細緻分明一督即化比例啱啱好，亦冇煮過龍唔會死實實同鞋拾拾，可以銳散佢混埋個比較淡嘅湯到，即時將個湯進化成2.0版！配合幼身得來唔過霖嘅上海麵一齊放入口，冇得輸，堅係好味。
最後黎一杯凍豆漿，清爽冰凍之餘冇沉積物，證明冇隔夜埋單百令蚊，如蘇舜欽觀山水美景後豁然開朗，更感受到父子兩代傳承之情，希望呢類小店可以三代、四代咁傳承落去，繼續帶比香港人希望。
張貼
