Burgeroom (美麗華廣場1期) (已結業)

之前來過食覺得份量十足，今日朋友話想食漢堡又在尖沙咀就想到這間。幸好都早不用等位仲有二人位，但入面都幾滿座了。我和朋友一人叫一個包再加一個小食都夠食，出去付錢後會有人送餐都幾方便。等了約十分鐘食物開始來到，朋友說都幾大份，仲要好窩心地分好2份方便食。我的牛油果醬芝士牛肉漢堡，牛油果醬不少，帶點辣幾特別又開胃，而朋友的大烤菇芝士牛肉漢堡烤菇好大隻又保持到不乾身好多菇汁好香。入面仲有菜，蕃茄和沙律醬令到個漢堡好清新。牛肉勁厚又多汁，口感軟熟。小食就叫了鱈魚手指5條配他他醬，好脆不油身，啖啖魚肉，他他醬微酸好醒胃。來到食漢堡點會不飲汽水，都有不同選擇，但朋友不喜歡飲仲可以自取有溫水都相當不錯。價錢方面不同加一，氣氛都不錯，下次可以再約朋友來吃飯。