韓．餐酒館 (已結業)

黎到主打炸雞嘅場，梗係揀左主菜先！見到「🐤招財金沙炸雞」個名就吸引左，即刻諗起黃金蝦，黃金魚皮。炸雞好快就已經送到上枱，睇到個表炸得好透，雞皮上多餘嘅肥膏肥油都已經炸走曬。所以明明係炸雞都唔會食到成口油，呢點做得好好呀👍🏼味道方面同想像中又唔同喎，咸香味係慢慢滲出黎，無搶左最大賣點-雞皮，雞皮本身亦係有種雞嘅精華香。至於入面，雖然外皮好乾身唔油但入面仍然係有肉汁夠水份的💦。味道唔重，唔會食到過膩，話說今次真係無話好需要啤酒解膩個感覺。同埋佢中心嘅酸蘿蔔味道都唔會太重唔會搶喉嚨，係舒服✨。再黎番d健康野，呢個係老闆推介嘅，遲d先會正式推出。就黎👑宮廷炒年糕，佢話以前係要有地位上等嘅人先有肉食，所以叫呢個名。面到有大量椰菜配洋蔥紅羅白絲同牛肉🐮，底就係汁煮好嘅年糕。味道黎講清清地幾好嘅，可能係我地食法問題，應該撈勻黎食，就唔會放到尾年糕痴埋一齊，大家都可以注意番⚠️。再黎一個勁足料無落鹽都勁濃味嘅藥膳牛肉湯，牛係用左牛坑腩，肉味都特別重。另外除左一堆藥材我仲食到粒勁入味嘅粟子🌰，搵到佢好似覺得成功尋寶咁。環境上係有🇰🇷韓味嘅小店，而見到旁邊嘅人食炸雞飲啤酒個滋味樣🤤，都會覺得係同一個空間享受