花居酒屋 (已結業)

今日同男友行經荃灣海壩街，見到有間入口望落好特別既餐廳，充滿日本感覺，門口仲掛住 ”日本產米使用”既門牌，感覺猶如日本居酒屋，所以決定試試。一進入餐廳，我就被櫻花佈景吸引住，即刻影相打卡。至於食物款式亦都非常多選擇，今次我地分別叫左刺身，壽司，卷物，串燒，烏冬同炒飯等，非常豐富。刺身方面，我地叫左三文魚同帆立貝刺身。刺身非常新鮮，吃落入口即溶，而且厚薄適中，味道非常鮮甜。壽司方面，我地叫左火炙三文魚壽司同我最愛既碎葱呑拿魚腩壽司。火炙三文魚入口暖暖的，加上壽司上的葱香同三文魚燒過後既焦香，味道非常的夾。而碎葱呑拿魚壽司相信不需我多講，我獨自一人食左四件，大大推介卷物我地叫左牛油果軟殻蟹卷，份量比想像中多，有八件卷物，而且除左卷物內夾左蟹肉外，中間仲多了兩件軟殼蟹炸物，非常抵食！至於串燒就叫左燒雞皮同燒雞腎，兩款都燒得非常香口，特別係雞腎，吃落爽口彈牙，而且有一些七味粉作調味，愈食愈開胃最後最令我驚喜的，係安格斯牛肉烏冬，雖然望落平平無奇，但用的並不是一般好難咬的牛肉，佢選用既牛肉味道特別鮮甜，而且廚師控制牛肉既生熟度恰到好處，所以牛肉入口時軟綿綿的，明顯地跟出面吃到的出色得多，另外湯底