這間‘新釗記’就係由一樓搬到地下，但我一次都冇食過係因為葵廣實在有太多選擇，掃街都飽左9成，咁見佢搬左就決定試下佢！
‘味菜牛柳絲炆鴛鴦米’見到個名幾得意，咩野係鴛鴦米呢？米係代表米飯🍚定係米粉🍜呢？即刻開估！😂😂
原來係米粉炒粉絲🧐🧐，佢係屬於濕炒個隻，味道帶甜都幾開胃，牛柳絲都唔絲下應該叫牛柳條咁至啱，不過大條係冇用嘅入口偏硬要𡁻多幾下先吞到🙁🙁
‘意式焗腸仔肉醬意粉’🍝睇落賣相唔錯，但唔好比佢個樣呃到，撈勻後色水好淺、腸仔又細又少、肉醬又冇肉味、醬汁又唔多，感覺似用水溝稀左咁!同時又好乾😵😵唔好食😔😔
間鋪全場都坐滿客，周邊客人都係叫小炒多，廚房不停傳出廚師落鑊炒餸聲，可能呢間真係炒菜較出色呢🤔🤔
