影片
更多
2009-01-13
1 瀏覽
禮拜同屋企人飲茶食晏, 有人提議黎呢間. 都好啦, 唔使成日食黎食去都係新城市果間. 十二點幾到, 唔使等位, 可以直入, 有幾多人可想而知. 坐落已經覺得唔對路, 張枱細不特止, 就連起身轉身行出去嘅空間都少得可憐. 唉, 算數, 好一餐唔好又一餐. 四個人叫左八個點心同一個炒飯. 個鳳城炒飯竟然係第一樣黎嘅野, 咁只可以諗d點心係即叫即蒸, 所以要等耐d囉. 個鳳城炒飯88蚊, 算幾貴, 因為無乜料, 得d叉燒粒同幾隻蝦, 不過個飯加左蕃茄落去炒又幾特別. 點心之中, 蝦餃麻麻地, 鮮蝦豆苗餃仲好食d. 鳳爪有d黑椒幾惹味, 炆豬手無食, 不過見個顏色就唔係好妥, 應該係啡啡地色架嘛, 顏色太淺, 感覺唔係好入味. 牛肉都無食. 咖哩豬皮魚旦, 豬皮太淋好似用發粉拿過咁, 魚旦正常街邊食到果d, 不過成38蚊就真係幾貴. 仲叫左兩個糖水, 就完成呢餐lunch. 順帶一提佢地嘅服務, 係前所未有咁差, 永遠唔會有人幫你加水, 食完嘅"吉"碟亦都唔會有人會幫你收. 唉, 成餐飯都係"自助餐", 咁點解我要俾service charge呀?
十二點幾到, 唔使等位, 可以直入, 有幾多人可想而知. 坐落已經覺得唔對路, 張枱細不特止, 就連起身轉身行出去嘅空間都少得可憐. 唉, 算數, 好一餐唔好又一餐.
四個人叫左八個點心同一個炒飯. 個鳳城炒飯竟然係第一樣黎嘅野, 咁只可以諗d點心係即叫即蒸, 所以要等耐d囉.
個鳳城炒飯88蚊, 算幾貴, 因為無乜料, 得d叉燒粒同幾隻蝦, 不過個飯加左蕃茄落去炒又幾特別.
點心之中, 蝦餃麻麻地, 鮮蝦豆苗餃仲好食d. 鳳爪有d黑椒幾惹味, 炆豬手無食, 不過見個顏色就唔係好妥, 應該係啡啡地色架嘛, 顏色太淺, 感覺唔係好入味.
牛肉都無食. 咖哩豬皮魚旦, 豬皮太淋好似用發粉拿過咁, 魚旦正常街邊食到果d, 不過成38蚊就真係幾貴. 仲叫左兩個糖水, 就完成呢餐lunch.
順帶一提佢地嘅服務, 係前所未有咁差, 永遠唔會有人幫你加水, 食完嘅"吉"碟亦都唔會有人會幫你收. 唉, 成餐飯都係"自助餐", 咁點解我要俾service charge呀?
張貼