係平，但質素開始下降緊，可能疫症期間生意受影響，帶位經理個面勁黑，見個場有好多空位，百分30架 入坐率 都唔知有無。
同個經理講可唔可以坐果邊，嘩！唔會拒絕你但見到佢黑面，其實疫情期間生意唔好，係一定。家下考緊EQ 情商 同 商業智慧。
俾客人坐得舒服一點好難咩？
叫左個午市定食4x加埋1, 5x走得，家下得湯品可以任飲，不過我真係幾好彩，自助湯品竟然俾我搵到有兩塊花膠呀！但啲湯真係無以前咁好飲啦！
定食都可以接受到但份量都無以前咁多，有一隻芝麻雞翼，兩塊鰻魚，兩隻芝士黃金蠔。加碗香飯俾你，幾好食，不過埋單5x貼60蚊，呢個價錢。
如果食外賣出面有其他選擇啦。。。
疫症期間度度有優惠，好架～侍應帶位帶得聰明唔計較，下次再光顧架機會大好多。相反，家下疫症仲要人坐到咁逼，真係要諗諗係咪要搵另一間好過。。。
以上食評乃用戶個人意見 , 並不代表OpenRice之觀點。
讚好
平凡香港人
時。。。時代垃圾?點解唔去食幾百蚊一餐既?咁簡單都唔識!
得閒先食
可能你係佢地架員工或者合伙人啦！如果唔想做幾十蚊生意 可以直接取消個set lunch 唔需要 掛羊頭 大家都唔Happy 為咩！反應只係 為左進步 只要唔係要求 過高 大家都 有得著
得閒先食
或者 將set lunch ,dinner 外賣價錢加到 80蚊以上／個，基本上市民 能力負擔到，又想食得開心，唔介意俾貴少少，反正唔係 日日食， 我唔食放題 可以有好多原因 唔一定係價錢問題。而家疫情 個個都想食得開心。你估揀位 食客，明唔明侍應難做先，不過疫情下 想食得安全 係 人之常情 。
用餐途徑
堂食
