愛爾蘭瘋薯 (已結業)

每次經過都見咁多人排隊，呢日見無聊，兩個人又走去排下隊要左個招牌芝士加肉醬：等．．．等．．．等．．．等．．．足足等左三四個字，見間鋪開到ｄ音樂咁大聲，叫號碼又要叫破喉嚨咁，成日有人聽唔到，點解唔開細聲ｄ音樂（因為要做個勢）見佢ｄ醬汁要逐個逐個煮，點解唔整定一兜兜，炸好薯條再加ｄ醬呢（因為又要做個勢，要ｄ人等耐ｄ，企到鋪面好多人）雖然等左咁耐，希望會有ｄ驚喜，點知一ｄ都冇薯條係炸得好熱，不過同麥記ｄ薯角差唔多，芝士0係個底度，唔係好食到，食晒ｄ薯條先見到塊芝士，已經硬左，肉醬唔係好食得出咩味總括黎講，試一次就夠，因為outback既的確比佢好食好多