走過幾條街，唔想食茶記同老麥，是但入去呢間泰國菜館。
招呼得有禮貌很殷勤，環境都算乾淨舒適。
但食物水準同質素，真有待改善
要幾樣嘢都無，上菜又慢，過年期間，算吧！叫過第樣囉！都沒太大期望。
先嚟冬陰公湯，味道偏酸，但熱辣辣，坐在門口沒趟門吹著風，當暖暖身吧！
泰式生菜包，師傅今日輸左馬？鹹到食唔到第二件
或者鐘意重口味既會啱食泰式濕炒河粉，個汁多到好似湯河粉咁，仲要用碗上，一大碗獻汁湯，河粉係一疊响碗底
鹽燒烏頭，正常，係細條啲，筷子咁長，勝在熱辣辣，個醮汁都幾好味。
青咖哩海鮮，味道ok 但成兜只有汁，所謂海鮮，得兩隻蝦仔、一片魷魚、一隻兩節手指咁大既青口、一舊仔魚，上枱時好似人地食剩餸咁
馬拉盞炒椰菜心，全晚最可取既一碟。
