八幡屋涮涮鍋 (已結業)

今日同男朋友求其搵左間餐廳打邊爐，估唔到會咁正❣️今日我地兩個叫既150分鐘火鍋盛宴，選擇多多又好食！食到勁飽！首先最抵讚係啲肉肉！有三款牛肉同兩款豬肉可以任叫！仲有澳洲M5和牛食🐮全部肉都好新鮮雪花好靚✨冇雪味又冇騷味🐷除左M5和牛之外，我就最鍾意個豬腩肉片🥩豬味超香，同我地既辛辣泡菜湯勁夾！最基本既火鍋配料都係一應俱全，食到我鍾意既豬紅超開心❣️丸類都係好乾淨同冇雪味！最驚喜係呢間竟然有勁多炸物同天婦羅可以叫！佢既炸饅頭一流！炸到金黃色外脆內軟又鬆軟超好食💘天婦羅同其他炸物既炸皮好薄，唔會好油膩，完全估唔到係火鍋店整到既水準🔥其實鋪頭仲有自助吧有好多熟食同冷盤可以食，選擇多到好誇張😆呢個價錢食到咁高質既野食真係好抵❣️地方夠大又乾淨，真係食過最正既火鍋！