意八餐廳 (已結業)

今早11點在黃大仙區收工，與朋友走入黃大仙商場北館1樓搵食，見到這間意八餐廳，腳仔不其然的走入去了。我們叫了雞蛋碎沙律牛角酥早餐(連凍飲才28蚊)，牛角酥做得很酥脆，與雞蛋碎十分夾，杯凍咖啡已很香濃。朋友叫了千島脆脆魚柳牛角酥早餐(跟熱飲30蚊)，朋友說魚柳炸得剛剛好，很香脆，又冇腥味，又冇雪味，朋友的熱咖啡，也很香濃。臨走前叫多一份重量級早餐帶回家比女兒(連凍檸檬茶及外賣盒，都係33蚊)，三個餐才91蚊，全日冇加一的。以咁既價錢，食到如此水準的食物，都唔知他們賺甚麼?希望此店長做長有，我仍有機會再來幫襯吧！🤗