之前都算幾成日食 雖然之後明顯人流無咁多
但不知不覺啲分店都汁晒咁既
點知今日經開TOP竟然有返 所以一定要再食丫😆
不過過咗6點 所以都係叫外賣回家🌝
今次叫左4款飯圈
分別系餐肉芝士、墨汁魷魚、吉列蝦、脆蝦芝士
其實之前我覺得佢一路啲飯卷都好食
今次再食都依然覺得好保持到水準 好好味😋
尤其是去墨汁魷魚 鍾意食魷魚嘅話一定要試吓啦🤩
另外就叫咗兩個飯
醬牛肉牛油拌飯同埋芝士韓式烤豬肉炒飯
我自己就比較鍾意醬牛肉牛油拌飯🤩
一打開熱辣辣勁香牛油味
同埋入邊好似係有啲類似炸菜嘅嘢
所以酸酸鹹鹹好野味🤩嘩咁快手食晒成碗🤣
不過我就覺得趁熱食比較好啲
如果唔係就會覺得有啲油～
另外都叫咗一碗韓式炒粉絲同埋辣炒年糕
辣炒年糕夠多汁同埋我覺得辣度都好適中
不過呢個我都係覺得要熱辣辣食好啲
如果唔係凍咗嘅年糕就好快變得硬身一啲～
睇佢嗰個韓式炒粉絲好似清清淡淡咁樣
但係其實食落都好濃郁
如果就咁嗌飯卷又唔夠飽
但係又唔想食飯嘅話我就覺得叫呢個粉絲一流🤩
今次外賣見好多嘢食份量好似唔係好多咁
但係其實食落真係好飽😂
所以唔好睇小佢碗仔細細🤣🤣🤣🤣
