丼吉日式吉列豬排專門店 (世貿中心)

營業中

休息中

其實，大約3、4年之前已食過這間吉列專門店。當時想, 百幾二百蚊食炸豬扒、炸蝦，有無貴添呀! 不過，見都幾多人話好食，所以都抱住試佢一試心態同朋友去試! 當時試係佢地豬扒同蠔。好記得當時豬扒入口外層吉列即溶，非常鬆化！但係豬扒又唔會太乾，(因為通常炸得耐肉質會無晒水份，變得好乾)幾juicy. 而蠔皮同豬一樣，入口即溶。蠔本身都大小適中，裡面又creamy. 食完埋單大約每人二百五左右，當時都覺得好滿意!上星期六再去，佢話weekend 無得book, 所以唯有去到排隊。我地兩個人由6:40pm 排到8:10pm 先有位。坐低後order 一份吉列豬柳+ 蝦, 一份吉列豬扒+ 蠔。鍾意佢地，夠大！服務員都好有禮貌同不厭其詳咁解釋唔同種類醬油用點咩！講返食物，吉列依然鬆化，都係入口即溶。個蠔同之前食差不多，無失水準。但係豬扒同豬柳肉質就比以前硬少少同無咁juicy. 至於蝦, 肉質就有，但如果唔點醬的話就無咩味！Overall, 以前我會係味道比5 分, 而家就會比4 分。我依然覺得我會去再食，不過唔會係weekend 因為唔想再等個半鐘...