影片
更多
2015-10-09
11799 瀏覽
食開有隱, 十幾年無食過韓式燒烤放題, 上星期食咗一次(漢和), 今星期又想再食. 網上查一查, 佐敦區只有這兩間: 漢和與漢陽苑. 既然上星期食了漢和, 今次就試另一間(漢陽苑)吧.兩間價格差不多, 但明顯地, 漢和的食物賣相(只是食物賣相, 而食物質素不差, 甚至有些好過漢和), 店內裝修, 侍應水準, 都勝一籌.友人未到, 唔開火爐住, 先拿一些小食, 味道不錯, 豬耳好味, 脆得嚟又煙韌, 之後還試過放在爐燒一燒, 脆加上煙韌之餘, 還有一點醬口感, 好好味. 韓式泡菜… 一個字: “差”.這店有”蝦”, 而漢陽苑沒有蝦供應, 但我們一共只食了三隻, 有兩隻的肉質都是霉的. 今次食得最多的是牛骼骨, 味道略比漢和的鹹一點, 但肉質和口感也絕對好. 雞翼, 最難燒的, 快燶, 內有未夠熟.熱食也不少, 不斷加的”賴尿蝦”, 肉質也不錯, 起碼好過用來燒烤的生蝦. 蜆, 記住要放落燒烤爐炒一炒, 好味好多.生果區, 只食了西瓜和橙, 好不錯, 味道好, 甜度適中. 還有豆腐花, 好滑. 還..還有雪糕, 雖是平價貨, 但都好味道, 不是只有甜味的品種, 尤其是綠茶味雪糕, 我食了三
食開有隱, 十幾年無食過韓式燒烤放題, 上星期食咗一次(漢和), 今星期又想再食. 網上查一查, 佐敦區只有這兩間: 漢和與漢陽苑. 既然上星期食了漢和, 今次就試另一間(漢陽苑)吧.
兩間價格差不多, 但明顯地, 漢和的食物賣相(只是食物賣相, 而食物質素不差, 甚至有些好過漢和), 店內裝修, 侍應水準, 都勝一籌.
友人未到, 唔開火爐住, 先拿一些小食, 味道不錯, 豬耳好味, 脆得嚟又煙韌, 之後還試過放在爐燒一燒, 脆加上煙韌之餘, 還有一點醬口感, 好好味. 韓式泡菜… 一個字: “差”.
這店有”蝦”, 而漢陽苑沒有蝦供應, 但我們一共只食了三隻, 有兩隻的肉質都是霉的. 今次食得最多的是牛骼骨, 味道略比漢和的鹹一點, 但肉質和口感也絕對好. 雞翼, 最難燒的, 快燶, 內有未夠熟.
熱食也不少, 不斷加的”賴尿蝦”, 肉質也不錯, 起碼好過用來燒烤的生蝦. 蜆, 記住要放落燒烤爐炒一炒, 好味好多.
生果區, 只食了西瓜和橙, 好不錯, 味道好, 甜度適中. 還有豆腐花, 好滑. 還..還有雪糕, 雖是平價貨, 但都好味道, 不是只有甜味的品種, 尤其是綠茶味雪糕, 我食了三次.
壽司區, 間中見到有三文魚刺身, 但間中又沒有了, 好奇異. 壽司放得好整齊, 可能因為無太多人有興趣…哈哈..
瓜菜類小食, 好健康, 都幾好味, 適宜燒烤前食一點, 否則, 燒烤完無可能食得落. 炒韓式粗粉絲, 好好味, 尤其是放燒烤爐再炒一炒, 極品.
問侍應: 有甚麼啤酒? 侍應拿了一餐牌, 其中, 大藍妹, $30. 後來才發現有特價啤酒(沒有印在餐牌上), 只$6/一罐, 好無耐囉, 侍應無提到客人有特價啤….
張貼
