炑八韓烤 (已結業)

劣評！！！味道係ok嘅，但其他方面全部都劣評。首先，上食物次序全錯。先上前菜同肉，過半小時再上清湯。侍應係一次過捧十幾碗清湯出黎，見你枱頭無就擺低幾碗，完全係隨心隨意，你有無一碗清湯完全睇你運氣。好，就快食完之際，侍應再上催足4次既白飯加生菜籃。之後再上之前無既芽菜前菜。對於侍應，落單又落漏，都算。追單，追足4次，即使向經理追單，仍無回音，直到開始鼓躁，另一經理先開始跟單。講返上菜，我地叫咗一個餐，但同一碟肉就黎足三次加生菜籃都黎足三次。其他枱既食物亦擺錯喺我地枱3-4次。絕對唔係淨係發生喺我地一張枱，其他附近幾張枱都不停上錯同上多。想知道到底啲侍應係點睇單同埋佢地到底有無跟單做人。啲侍應需要well trained需要進步，佢地連餐牌有咩都未知，毫無經驗，完全唔ok。除非有進步，否則呢間分店無下次。