影片
更多
2019-09-16
80 瀏覽
今時今日咁既服務態度…真係好唔得。放心，係呢度絕對唔會聽到歡迎你光臨既1234，同送你走既多謝。其實餐廳門面裝修不錯，食物都唔差，但侍應既服務態度真係不知所謂。我地一行5人黎到餐廳，全間餐廳當晚共有3位侍應，帶位侍應非常落力推薦是日推介。我睇完菜單就諗住搵個侍應問下今日既omakase sushi set係咩～好神奇啲侍應唔見晒卒之有個侍應行cat walk 咁行過，要勁大聲叫唔該佢先行埋黎…我:今日個omakase sushi set有咩壽司?侍應指住個menu:咪呢啲壽司!我:個memu寫住要問今日有咩壽司…侍應不耐煩:咪幅圖果啲野，三文魚子呀，海膽呀，果啲囉！我: omakase唔係每日唔一樣?另一個火影侍應唔知邊度走出黎:係呀，每件壽司都唔一樣!我真係好黑人問號，我夠知係每件唔一樣啦，我仲天真到以為佢會問完chef會話我知，但到我埋單都無見佢覆過我。我落左單，見其他人話想食蠔，但menu果種蠔暫停供應($1××/6隻)，就諗住問下佢是日餐牌個蠔有幾隻，今次我已經避開上個侍應。我:我想問出面牌寫果種蠔係幾隻?女侍應突然奔跑走去問(我心諗大佬，唔通成班都新請返黎?)跑返黎既女侍應:
其實餐廳門面裝修不錯，食物都唔差，但侍應既服務態度真係不知所謂。
我地一行5人黎到餐廳，全間餐廳當晚共有3位侍應，帶位侍應非常落力推薦是日推介。
我睇完菜單就諗住搵個侍應問下今日既omakase sushi set係咩～好神奇啲侍應唔見晒卒之有個侍應行cat walk 咁行過，要勁大聲叫唔該佢先行埋黎…
我:今日個omakase sushi set有咩壽司?
侍應指住個menu:咪呢啲壽司!
我:個memu寫住要問今日有咩壽司…
侍應不耐煩:咪幅圖果啲野，三文魚子呀，海膽呀，果啲囉！
我: omakase唔係每日唔一樣?
另一個火影侍應唔知邊度走出黎:係呀，每件壽司都唔一樣!
我真係好黑人問號，我夠知係每件唔一樣啦，我仲天真到以為佢會問完chef會話我知，但到我埋單都無見佢覆過我。
我落左單，見其他人話想食蠔，但menu果種蠔暫停供應($1××/6隻)，就諗住問下佢是日餐牌個蠔有幾隻，今次我已經避開上個侍應。
我:我想問出面牌寫果種蠔係幾隻?
女侍應突然奔跑走去問
(我心諗大佬，唔通成班都新請返黎?)
跑返黎既女侍應:你想要幾隻丫?
我嚇大既:我係想問160蚊有幾隻?
女侍應:一隻!
我:唔要啦咁…
落好晒單諗住叫支清酒, 今次搵最後一個神出鬼沒既侍應。
我指住個menu支sake想叫既時候
火影侍應:呢個menu既sake已經無再賣，唔update,你可以試下我地推介果支
我:我唔想要咁大支
火影侍應;你地咁多人可以飲支大既
我:我地一人一杯就夠，唔洗大支
非常努力推介，但始終佢都無答過我omakase係咩壽司…
到落單sake, 我又要問佢到底$1××/2支既sake幾多ml, 到底佢個menu可以幾唔清楚，啲侍應有幾唔理解個menu.
叫左支sake問:呢支熱定凍好?
女侍應:你鍾意啦！
我回頭問大家想熱定凍
女侍應搶答:我地係成支放落熱水度浸
我心諗咩料呀，難度佢會以為我半支熱半支凍…
我:熱啦！
點知原來呢度所謂既熱sake係比支真係熱水浸一浸常溫既你，係無熱水座住。
食到一半，第一個侍應走埋黎指住隻空碟命令:比隻碟我啦！
我心諗咩料呀，洗唔洗做埋佢果份，佢其實係咪只係針對我地呢
到埋左單走，我地隔離台客都好奇怪咁話到底邊度有人幫我埋單，係咪要自己出去埋。
我起身行行下既時候，第一個侍應生衝出黎大喝:埋單未?
我初初仲以為佢問我隔離台…
點知佢係跟住我地重複大叫埋單未…
大佬呀，我地一行5人浩浩蕩蕩行出大門口走你數咁笨實?咁大個人唔識行去電腦check 下?唔會問下啲同事先?
我走既時候唔係多謝晒，係大叫埋單未?!
呢啲餐廳係不可一不可再。祝生意興隆。
張貼