金裝燉奶佬餐廳 (青怡薈) (已結業)

上次去坐低咗好耐都冇侍應過嚟寫嘢，於是離開坐位搵咗個女侍應落order，我已經講咗食咩餐，但係佢唔幫我落單，只係叫我一個人唔好坐四人座位，要坐二人座位。我調咗位之後，以為佢會行埋嚟幫我落單，點知佢行開冇理我。於是我又等咗好耐，都冇人過嚟寫嘢，咁我就揮手叫返之前個女侍應，但係佢見到我揮手，冇行埋嚟，只係行前一步，離我兩米遠問我要乜，語氣又冇禮貌。呢啲究竟係乜嘢服務態度？自此之後，我決定唔再幫襯呢間嘢！