Amusement Eatery (已結業)

呢排嘅心情係有點低落，想食番餐好嘅激勵下自己，於是就過黎呢間有多國菜📍Amusement Eatery同朋友食個晚飯。店鋪內燈光較暗，並以唔同顏色嘅霓虹燈光做裝飾，以短白易明的英文造句．令人反思自己過得如何．加上餐廳樓底夠高．空間感十足。令人舒壓放鬆!!🍹南美特色~柚子&菠蘿手搖水果茶($58each)味道入口夠清，並唔系一味得個甜，仲有幾款水果可供選擇。🌟 南美淹海鮮 ($68)呢個凍盤用左切碎蕃茄，洋蔥，細墨魚，蜆肉，配埋墨西哥車輪脆片，味道酸酸甜甜，非常開胃。一片接一片即時食慾大增。🍴慢煮豬鞍配羅望子汁 ($248)豬肉本身肥美夠厚身，經過一輪慢煮後，外皮唔會太焦，切開仲肉汁溜出黎，一啲都唔會韌，配菜配搭、青椒，仲有烤過嘅薯仔，沾上酸甜嘅羅望子醬，味道幾特別。🍴塔斯曼尼亞羊架 ($228)叫左七成熟，上碟剛好有點肉汁流出黎，內裹中心有點血色。火喉控制得好好。食落唔韌又唔羶味。仲可以沾D微辣芥末醬。食完呢餐飯後，充滿正能量，為明日嘅生活打拼!!