正宗蘭州牛肉拉麵 (已結業)

今日同女朋友喺尖沙咀攞嘢，咁岩呢排天氣又凍左所以好想食啲熱野，行過見到有一間食蘭州拉麵好似好吸引，想起以前喺大陸食過都好好食。所以二話不說就入去試吓，地方好大， 十分適合上班人士在中午出嚟食，而且價錢十分親民，例如一碗麵配一個小食都係五十幾蚊。而我哋今次就叫咗一份蔥油餅，好新鮮，好薄好脆，正！我就叫咗一份F餐，牛肉水餃套餐配炒土豆絲小食，水餃勁多餡亦都食得出材料新鮮，已土豆絲就酸酸辣辣好開胃。我女友就叫咗H餐係酸菜牛肉麵配涼拌青瓜小食。牛肉食落似牛展，拉麵麵質唔錯，湯底正！而涼拌青瓜亦唔差，夠爽口！