千里屋食堂 (已結業)

千里屋喺日本係間賣牛肉嘅店舖，歷史悠久。嚟香港開食堂喎，我哋就梗係要來試吓啦！其實佢個位置係近住銅鑼灣廣場附近，都好方便。去到門口見冇乜人等位，就入去嘆和牛喇！入面係坐滿晒人，剛剛有一張二人枱埋單就到我哋入咗啦。坐低嘅時候周圍望下，發現有成幾張枱都係日本人，咁我就知道呢度一定有正嘢食！其實食物方面佢都有好多唔同種類，有鐵板啦、shabushabu、丼飯等等，我哋就決定揀一個鐵板一個sukiyaki嚟食，試吓唔同嘅口味呀嘛！隨餐可以揀飲品，我哋分別都係揀咗唔同口味嘅梳打飲品，都係嚟自日本㗎！好嘢！有嘢食呀！首先嚟嘅就係Sukiyaki ，除咗個鍋本身入邊有唔同種類嘅蔬菜之外，當然就有牛肉，而且仲有一啲前菜配菜湯同埋飯啦。不得不讚嘅就係佢有一個配菜係一啲汁煮牛腩之類嘅嘢，好味到爆炸，我相信如果淨係比呢一道菜我加白飯我都可以食晒碗飯！壽喜燒本身就係比較甜嘅，煮耐咗味道就更加濃郁。牛肉碌一碌入口即溶，鍋入邊嘅蔬菜超級鮮甜，我哋係迅速就清晒全部食物呀！之後嚟嘅就係和牛鐵板燒三種，就咁睇個配搭好似失色少少，但係啲肉真係超正，嗰種油香喺你個口度好耐都唔散，而且肉味濃郁，值得一試！埋單每人二百幾，下次