影片
更多
2016-05-30
421 瀏覽
今日約左Maggie去銅鑼灣睇戲，睇完行左去Times Square附近間馬會度涼下冷氣，因為真係好熱丫！見時間仲早，我地就周圍Search下附近有無Cafe可以比我地坐下，我地兩個貓痴，見有貓貓Cafe係附近當然唔放過啦！打上去book 4點，哈，又有位喎！Yeah可以玩下貓貓啦！由於Cafe係一樓我地無等lift，行樓梯上去，門面採用木既顏色，好樸素既感覺。入到去左面係廚房，右面有個鞋架仔，Staff示意我地先洗手，之後著拖鞋，向前望，貓貓已經係前面啦！呢度有7隻貓咪，我特別中意咖哩，佢今年1月先出世架，可能因為最細隻，所以佢最好動，走黎走去，好可愛。睇睇Menu，只有一頁，選擇較少，但聽店員講黎緊佢地會Update Menu啦！我地叫左兩款野飲再加個雞翼就開始我地既貓咪之旅~手工果茶(凍): 水果有橙，士多啤梨同金奇異果，水果切到細細粒，再配左小匙羹仔比我筆水果食，貼心！雖然有士多啤梨，但果茶一d都唔酸，反而仲有d微甜，只係微甜唔覺得好甜，水果新鮮，果茶零添加，好健康。熱融貓爪朱古力牛奶: 好可愛，自家沖架，有兩舊朱古力，朱古力係貓爪樣，好Qute丫！自己倒鮮奶入去，加埋個小小發
由於Cafe係一樓我地無等lift，行樓梯上去，門面採用木既顏色，好樸素既感覺。入到去左面係廚房，右面有個鞋架仔，Staff示意我地先洗手，之後著拖鞋，向前望，貓貓已經係前面啦！
呢度有7隻貓咪，我特別中意咖哩，佢今年1月先出世架，可能因為最細隻，所以佢最好動，走黎走去，好可愛。睇睇Menu，只有一頁，選擇較少，但聽店員講黎緊佢地會Update Menu啦！我地叫左兩款野飲再加個雞翼就開始我地既貓咪之旅~
手工果茶(凍): 水果有橙，士多啤梨同金奇異果，水果切到細細粒，再配左小匙羹仔比我筆水果食，貼心！雖然有士多啤梨，但果茶一d都唔酸，反而仲有d微甜，只係微甜唔覺得好甜，水果新鮮，果茶零添加，好健康。
熱融貓爪朱古力牛奶: 好可愛，自家沖架，有兩舊朱古力，朱古力係貓爪樣，好Qute丫！自己倒鮮奶入去，加埋個小小發蛋器一齊溝埋~如果厭唔夠味，店員仲準備左細細杯朱古力醬，可以隨時加架！牛奶好滑又香，貓爪朱古力唔係太甜，我地都要加多少少朱古力醬，溝埋鮮奶就岩岩好啦！我地溝溝下Jazz貓貓仲過黎反tim！
玫瑰花雕醉貓雞翼: 一打開蓋就有好多玫瑰花花瓣，賣相好靚。雞翼有5隻，隻隻都好大隻，花鵰味好濃，啲汁黃黃地色，唔知係咪溝左其他野呢？雞翼似乎醃左好耐，好重的酒味(放心唔會醉)，仲有雞翼是凍食架！
同貓貓玩既時間過得特別快~要講BYE BYE啦~
張貼
