茶茶GO (已結業)

下午茶時間，心思思想買杯台飲同事就建議去灣仔街市附近新開嗰間茶茶Go每次經過都會忍唔住睇吓佢哋嘅飲品Menu，好多選擇好吸引！本身諗住叫芋頭飲品，可惜售罄，睇嚟好受歡迎！下次早啲嚟先😎😎左揀右揀，最後揀咗「金旺鳳梨酸奶」，鳳梨、酸奶都係我超鍾意嘅嘢🥰🥰水果成份多，可以食到果肉，而且係鳳梨本身嘅甜味，而唔係假甜，酸奶不太甜，又不太酸，整體感覺：正！同事就叫咗黑糖奶凍，同埋金煌楊枝甘露杯楊枝甘露靚到呢😎😎視覺享受已經滿分，好足料！除咗飲品之外，舖頭連接住一部份，喺灣仔順記小食。可以篤吓魚蛋燒賣，真係下午茶非常好嘅選擇。最推薦嘅係佢哋嘅蘿蔔，超多汁😎😎