影片
更多
2019-09-23
62 瀏覽
一早見到好多介紹，蠢蠢欲試呢間台中過江龍，名字叫嚐仙，開喺尖沙咀。月初開業後我地專程來過兩次，但門口都有小人龍，由於唔係好想等，於是先行擱置。今個週末再來，見中午時份唔係好多人，即時入去嚐仙來自台灣，主打手工芋泥、地瓜泥、芋圓、仙草等等嘅甜品，睇過報導介紹話佢地有大部份食材都係取自台灣，保證原汁原味。鋪面唔大，客人先行喺櫃枱點單、俾錢，然後由店員送餐，裡頭座位唔多，唔怪得最初咁多人等位。除左一般小型二人枱，仲有一排高身嘅單邊座位，比較適合一至三人用餐。枱面上有紙巾，幾貼心。menu都多選擇，樣樣都想試。分仙草、剉冰、豆花、紅/綠豆湯、湯圓等系列。主要配料有芋圓、芋泥、仙草、地瓜泥、布丁、黑糖凍、綠豆、紅豆、薏仁、花生、大豆等材料。仲有多款飲品，價錢大約係40零至50零蚊。我地揀左其中一款最受歡迎嘅雙芋系列，配仙草奶凍，裡面有芋泥、芋圓、珍珠、紅豆同大量仙草，仲有一小舊冰。即叫即整，但都唔洗等好耐，賣相好吸引呢，同圖片一樣附一小杯奶，按個人喜好加入。芋泥非常之綿密，芋香十足，而且唔會有明顯甜味，感覺非常天然，值得一讚，來到唔好錯過仙草都好正，滑嘟嘟，而且好香！紅豆量多，煮得唔算好軟爛；珍
嚐仙來自台灣，主打手工芋泥、地瓜泥、芋圓、仙草等等嘅甜品，睇過報導介紹話佢地有大部份食材都係取自台灣，保證原汁原味。
鋪面唔大，客人先行喺櫃枱點單、俾錢，然後由店員送餐，裡頭座位唔多，唔怪得最初咁多人等位。
除左一般小型二人枱，仲有一排高身嘅單邊座位，比較適合一至三人用餐。
枱面上有紙巾，幾貼心。
menu都多選擇，樣樣都想試。分仙草、剉冰、豆花、紅/綠豆湯、湯圓等系列。
主要配料有芋圓、芋泥、仙草、地瓜泥、布丁、黑糖凍、綠豆、紅豆、薏仁、花生、大豆等材料。仲有多款飲品，價錢大約係40零至50零蚊。
我地揀左其中一款最受歡迎嘅雙芋系列，配仙草奶凍，裡面有芋泥、芋圓、珍珠、紅豆同大量仙草，仲有一小舊冰。即叫即整，但都唔洗等好耐，賣相好吸引呢，同圖片一樣
附一小杯奶，按個人喜好加入。
芋泥非常之綿密，芋香十足，而且唔會有明顯甜味，感覺非常天然，值得一讚，來到唔好錯過仙草都好正，滑嘟嘟，而且好香！
紅豆量多，煮得唔算好軟爛；珍珠細細粒，夠煙韌
芋圓有三款，以地瓜圓味道最明顯，唔會太甜；芋圓反而失色，除左冇乜芋味，質地仲有點硬實，唔夠彈性，可能點熱湯會比較煙韌。
另外點左份五式剉冰，可以揀牛奶冰底或黑糖冰底，我地揀左前者。客人可以喺12款配料中自選5款，我地揀左芋圓、地瓜泥、綠豆、布丁、黑糖凍。會額外配上一杯仔煉奶，個人認為唔需要添加已經足夠甜度
地瓜泥係最好食，蕃薯味好明顯啊，推薦
布丁係好嫩好滑果種，好典型台式布丁嘅味道，我自己唔係太鐘意。
綠豆量多，煮得幾軟腍。
牛奶冰底唔會好膩，留意冰底都幾硬淨，即時應該食唔到，要慢慢等佢軟化少少先得。台式冰始終係粗身D，唔好諗住係日式好綿果黎冰。
可能今日呢個時間唔多人，我地都坐左個零鐘。
張貼
