影片
更多
2023-12-19
21 瀏覽
行過海港城見到開左呢間韓風cafe~原來佢係來自韓國仁川特色咖啡店Sips;;lban嘅香港分店～見到門口嘅「🌽粟米蛋糕」水牌就覺得好吸引喇🤩「🐙玫瑰醬八爪魚年糕 & 橡果黑毛豬卡邦尼意粉🍝」未食甜品先食吓鹹嘢，佢哋呢度個年糕好得意好似意粉咁長條～咬起上嚟口感好煙靭唔錯👍🏻而玫瑰醬嘅意思並唔係真加入左玫瑰～而係個顏色粉粉地有啲似玫瑰🌹實際其實佢係韓式辣醬加咗忌廉～多咗份幼滑少咗份辛辣，但依舊好有辣醬嘅香～整體唔錯，唔太食得辣嘅朋友都可以食到👍🏻而卡邦尼意粉，佢哋採用橡果黑毛豬，味道比起用一般煙肉冇咁濃鹹～但又特別香肉味，配上咁creamy嘅卡邦尼醬汁，確實難以抗拒😋😋「🌽軟綿綿粟米蛋糕 & 🥜香濃花生夢幻冰沙」甜品嘅時間我就最開心❤️粟米蛋糕外型金黃色真係好靚～蛋糕都好軟熟，但成個蛋糕嘅靈魂一定係個粟米汁～配上粟米汁後，味道非常濃郁香甜，恍如食緊一件超甜真粟米～配上埋餅碎同真嘅粟米🌽，口感層次都非常豐富～唔怪得知係佢哋店舖王牌之一👑另外冰沙，今次我哋食咗花生味，頂層有黃豆粉醬同紅豆蓉，開頭食味道比較日式～但開始食到中層就會食到濃濃嘅花生香同麻糬～而食到底層嘅冰沙又可以加上煉奶～一個冰沙可
行過海港城見到開左呢間韓風cafe~
原來佢係來自韓國仁川特色咖啡店Sips;;lban嘅香港分店～
見到門口嘅「🌽粟米蛋糕」水牌就覺得好吸引喇🤩
「🐙玫瑰醬八爪魚年糕 & 橡果黑毛豬卡邦尼意粉🍝」
未食甜品先食吓鹹嘢，佢哋呢度個年糕好得意好似意粉咁長條～
咬起上嚟口感好煙靭唔錯👍🏻而玫瑰醬嘅意思並唔係真加入左玫瑰～
而係個顏色粉粉地有啲似玫瑰🌹實際其實佢係韓式辣醬加咗忌廉～
多咗份幼滑少咗份辛辣，但依舊好有辣醬嘅香～
整體唔錯，唔太食得辣嘅朋友都可以食到👍🏻
而卡邦尼意粉，佢哋採用橡果黑毛豬，味道比起用一般煙肉冇咁濃鹹～
但又特別香肉味，配上咁creamy嘅卡邦尼醬汁，確實難以抗拒😋😋
「🌽軟綿綿粟米蛋糕 & 🥜香濃花生夢幻冰沙」
甜品嘅時間我就最開心❤️粟米蛋糕外型金黃色真係好靚～
蛋糕都好軟熟，但成個蛋糕嘅靈魂一定係個粟米汁～
配上粟米汁後，味道非常濃郁香甜，恍如食緊一件超甜真粟米～
配上埋餅碎同真嘅粟米🌽，口感層次都非常豐富～
唔怪得知係佢哋店舖王牌之一👑
另外冰沙，今次我哋食咗花生味，頂層有黃豆粉醬同紅豆蓉，開頭食味道比較日式～
但開始食到中層就會食到濃濃嘅花生香同麻糬～
而食到底層嘅冰沙又可以加上煉奶～
一個冰沙可以食到三個味道，唔怪得之佢個名有「🦄夢幻」二字～
真係估你唔到得嚟又超match，呢個組合極夢幻～
張貼
