海盜王餐廳

營業中

休息中

今日返晏，又可以去上水市中心搵好嘢食了，之前去某間拉麵舖途中，見到呢間海盜王餐廳個名幾得意，今日就一於黎做個海盜啦。黎到餐廳都已經差唔多兩點，所以唔駛等已經有位，餐牌有好多選擇，多數都係40至60蚊，算幾抵食。今日叫咗韓式炸雞粒伴煲仔肉醬意大利粉，賣相都幾吸引，煲仔肉醬意大利粉份量夠多，肉醬味道濃郁，撈埋意粉食味道相當唔錯，炸雞粒即叫即炸，熱辣辣之餘亦都相當香脆，伴碟嘅沙律菜算新鮮，混埋芝麻醬，食完咁濃味嘅嘢食返少少沙律，感覺相當清新。飲品加三蚊要即磨咖啡，咖啡夠香濃，食飽飽之後飲番杯，為午餐劃上完美句號。