百味堂‧鐵 (已結業)

🍦 百味堂‧鐵 (尖沙咀)🔍 尖沙咀梳士巴利道18號Victoria Dockside K11 Musea B1樓B111號舖--前幾日行K11 Musea見到，原來百味堂嘅日本白桃牛奶雪糕又返咗嚟啦。係呢個☀️熱到抽筋嘅盛夏，仲有啲咩幸福得過食一杯凍冰冰又美味嘅雪糕🧊。另外，K11 Musea呢間旗艦店B仔都係第一次去，店內座位寬闊，裝修簡潔典雅，用餐環境非常舒適。-#日本山梨縣白桃牛奶雪糕🍑：吸睛嘅原個白桃當然唔係淨係得個樣，聞落桃氣芬芳、食落香甜多汁，不愧係黎自被稱為「桃之鄉」嘅山梨縣。白桃出色之餘，牛奶雪糕亦非常爭氣，🥛牛奶味出眾，但又無掩蓋過白桃味，兩者相輔相成，誰也沒有搶了誰的風頭。-#大麥草意大利芝士：味蕾總係貪心，食完一樣，又嘴饞饞想食埋第二樣。呢款放置係雪櫃嘅甜品之所以吸引到B仔嘅注意，係因為佢長得像抹茶蛋糕，但其實佢係大麥草，非常鬼馬！大麥草🌿粉末食落清新怡人，撈埋濃厚嘅芝士mousse，味道平衡得唔錯。-#有機大麥草杏仁法式蛋糕：除咗大麥草意大利芝士之外，呢款大麥草法式蛋糕亦甚具特色，食落質地濕潤，甜味恰到好處，唔會太濃烈，感覺輕盈。🍽-----👶🏻B仔整體評價：8