奏海鮮火鍋 (已結業)

趁住小黃金週，連續幾日假期，梗係出街食好d。今日就揀左試試位於尖沙咀寶勒巷嘅「奏Kanade海鮮火鍋」，裝修靚，坐得舒服。「姫松茸瑤柱響螺燉冬瓜湯鍋」$188經理推薦左呢款湯底比我地，雖然menu上並無加👍🏻，但飲落認真唔錯！好似媽咪煲的老火湯，有姬松茸、響螺、瑤柱、冬瓜、雞腳、豬骨、杞子、龍眼肉等等，味道超濃郁，10個like!🐮骰仔牛柳粒$138呢個要淥耐啲，唔洗怕會變擦子膠，因為肉質好腍，推介！🐂本地手切牛（細）$228雖然揀左細份量，但一樣大大碟，好抵食。🐖日本黑豚肉$98本人比較嗜牛，但呢碟豬肉都能打動我芳心，肉質爽滑，唔錯。🐷手打咸蛋豬肉丸$78非常特別的丸類，手打豬肉包住咸蛋黃，好似食緊奶皇包咁。如果中間咸蛋黃份量多d, 食落再澎湃d就perfect 啦！🐽豬腳筋$78比較韌，要淥好耐好耐～ 但膠質豐富，鍾意吮豬腳嘅不妨一試。🦐鬼馬蝦滑/墨魚滑$68一碟八件，也太抵食了吧！🍙黑松露帶子餃$68我幾欣賞呢度嘅火鍋配料有新意，一咬開就食到好香嘅黑松露，皮薄餡靚。🍄營養綜合菇$78乜菇都有啲，滿足你幾個願望。🌯自家即炸響鈴卷$48即叫即炸，要趁佢熱辣辣即食，簡直係「大眾最愛」！