來多碗車仔麵 (路德圍)

叫左豬紅、牛腩、蘿蔔、鳳爪同麵筋瀨粉。

豬紅爽滑。

牛腩好多，仲有唔少牛筋，肉有少少un，不過筋就夠淋，feel到好有膠質嘅感覺。

蘿蔔夠甜夠淋，冇筋。

麵筋同瀨粉就冇乜特別。

問題係，所有嘢都超鹹！！！蘿蔔係同時又甜又鹹，鳳爪係唯一可以食得晒嘅，但有指甲，要食得小心啲。我足足加左半碗水先勉強食到，其實最近病病地，食乜都口淡淡，但呢碗粉鹹到我都頂唔順，到底其他人點食嘅呢？

另外我仲叫左豆漿，係樽裝嘅新佛香壹品豆漿（佢寫香港製造），唔係低糖嘅，但我似乎已經比碗粉鹹到味覺錯晒，飲唔到有味。

簡單講，下次唔好再搞我！