一直都想試佢個色彩嬪紛嘅八色小籠包，賣相好吸引，今次嚟到當然唔會走寶~
🧡特色皇朝八色小籠包（$138）
特別為咗呢道菜嚟食，招牌菜果然無得錯！賣相唔駛多介紹，色彩嬪紛就必然㗎喇~除咗樣之外，佢都好有內涵，皮薄多汁唔易穿，食起身都方便易夾，粒粒都好工整，大小相若，一口剛好！
每款味道都各有特色，由淡味至濃味都有，調味啱啱好，食完唔會膩，讚！
🧡上海炒飯（$93）
用上肥美嘅珍珠米，簡單得嚟好滿足，配料多又大份飽肚，唔錯！
🧡上海生煎包（$45）
生煎包個底煎得好香脆，大大隻有3隻，肉汁都好鮮美，正！
見佢下午三點後會有6折，幾抵下，有機會等下午茶時間再嚟一戰！
