牛陣 (iSQUARE國際廣場)

營業中

休息中

牛陣嘅火鍋放題相信大家都唔會陌生，所以朋友話要食打邊爐，喺尖沙咀就即刻搵咗牛陣食，貪佢係iSquare入邊夠方便。牛陣依家有新出嘅美人鍋，有啲新意喎。既然係主打湯底，所以未上枱之前我哋都好期待😂😂原來湯底好似一大煲雞湯咁，都幾多雞件，湯底面頭都唔會有好多油。見佢清清地咁，我哋都即刻’不‘左啲湯底嚟飲😂幾清甜，唔會覺得重味精👍🏼👍🏼除咗湯底之外，配料都幾唔錯。有鹿兒島黑毛和牛、黑毛豬、牛舌等等，質素唔錯。除咗肉類之外，仲有個美肌蔬菜盤。入面有個雞肉滑記得別，幾爽口。甜品仲有一人一份水玄信餅添！味道就普普通通，不過難得放題有水玄信餅食，都幾特別。除此之外，當然唔少得仲有雪糕任食啦！