One More Hotpot 來一鍋 (已結業)

鵝頸橋附近，這幾天天氣轉涼，朋友好想吃火鍋，上網找找資料，這裏的海鮮火鍋出名，樓上店的好處是地方大，傾計舒服，唔需要趕住走。這裏套餐紅酒白酒啤酒任飲，這紅酒都非常易入口，不錯呢 !所有飲品，包括汽水，烏龍茶，啤酒，白酒，紅酒全部任叫。湯底任揀，有冬瓜湯底，喇沙湯底，冬陰功，花膠螺頭，麻辣雞煲......店員介紹也可以揀鴛鴦鍋底。我們點了冬陰功搭冬瓜蜆湯，海鮮套餐，每人每款跟人數上，非常豐富。海鮮包括: 中蝦、扇貝、象拔蚌、貴妃蚌、青口、大花甲，仲有鮑魚呢!鮑魚好厚肉堅新鮮，淥咗好耐一啲都唔韌。即炸魚皮好大條!即炸響鈴更長更大條，自己cut開一半才放入鍋，脆卜卜，好好味!其他火煱料包括三款餃子，釀冬菇，釀豆卜，手打丸。餃子包括韭菜餃、鳳城水餃及雲吞，一口一隻，新鮮。手打丸有豬肉丸、牛肉丸及墨魚丸，爽口彈牙 都非常出色。繼續要講嘅係牛肉，件件滑口，件件新鮮，落鍋一陣便可以，正呀！另外有羊肉卷，朋友至愛，配紅酒最夾。本身個套餐已經非常豐富，另外的配料都係任食，我哋揀咗牛骨髓，藕片，脆鯇片，蕃茄。花盆擺設般的皇帝菜及油麥菜都非常新鮮。心太軟非常好吃，一切開裏面朱古力流曬出嚟，美味。