影片
更多
2010-08-14
158 瀏覽
今日行街去尖沙咀，好多餐廳都好多人，見到金牛苑無咁多人，又未試過，於是就入去一試。一入到去，侍應問要唔要點飲品？不過見到餐牌上的特飲要$48咁貴，就要水算了。怎料喝一口水，再翻到餐牌後面，見到茶／水要$20一位，有無搞錯？再加酸菜$20一碟，我地今日三個人食已經要$80打底。所以，最後唯有每人叫成$28一罐既汽水。正當我地後悔入左呢間餐廳，地一碟餸就來了－－越式炒飯。我地原先叫海鮮炒飯，不過侍應話海鮮炒飯上面有好多汁，而我地另外又有一碟餸要好多汁，所以推介左呢碟炒飯。越式炒飯都唔錯，唔太多油，份量又夠。跟住就係粉卷。個粉卷無咩特別，不過不失，不過$75得三件，真係貴左啲。我覺得係灣仔食$38四件比較好食。然後就係茄汁牛尾煲，啲牛尾煲得好捻，如果叫一個蒜蓉包點埋啲汁，咁就Perfect啦！最後仲有個烤豬肉濱海。呢個濱海就真係唔錯，烤豬肉好入味，連埋生菜、蔥一齊食，終於開始順番條氣。總評：食物味道唔錯，不過如果例如一家四口去食，一定要預左飲品酸菜打底＞$100，咁就一試無妨。服務麻麻地：1. 侍應效率好「高」，不斷埋黎收碗碗碟碟，人地岩岩先食完就埋黎收，好似想趕我地走咁；2. 侍應既多謝真
一入到去，侍應問要唔要點飲品？不過見到餐牌上的特飲要$48咁貴，就要水算了。
怎料喝一口水，再翻到餐牌後面，見到茶／水要$20一位，有無搞錯？再加酸菜$20一碟，我地今日三個人食已經要$80打底。所以，最後唯有每人叫成$28一罐既汽水。
正當我地後悔入左呢間餐廳，地一碟餸就來了－－越式炒飯。我地原先叫海鮮炒飯，不過侍應話海鮮炒飯上面有好多汁，而我地另外又有一碟餸要好多汁，所以推介左呢碟炒飯。越式炒飯都唔錯，唔太多油，份量又夠。
跟住就係粉卷。個粉卷無咩特別，不過不失，不過$75得三件，真係貴左啲。我覺得係灣仔食$38四件比較好食。
然後就係茄汁牛尾煲，啲牛尾煲得好捻，如果叫一個蒜蓉包點埋啲汁，咁就Perfect啦！
最後仲有個烤豬肉濱海。呢個濱海就真係唔錯，烤豬肉好入味，連埋生菜、蔥一齊食，終於開始順番條氣。
總評：食物味道唔錯，不過如果例如一家四口去食，一定要預左飲品酸菜打底＞$100，咁就一試無妨。
服務麻麻地：
1. 侍應效率好「高」，不斷埋黎收碗碗碟碟，人地岩岩先食完就埋黎收，好似想趕我地走咁；
2. 侍應既多謝真係唔係好誠懇，望住你就微笑，都未另轉面，個笑容即刻唔見左；
3. 食炒飯都無匙羹，問佢地攞匙羹，問一次攞一隻，所以攞兩隻問左兩次，我都費事問佢地攞地三次啦。
張貼
