佳記甜品 (已搬遷) 新店位置

上篇提及, 走訪完泛后, 然後又走對面的佳記甜品, 全因貪饕...腸粉和魚蛋--腸粉是唯一與泛后吃過的相同食品, 只因一時好奇, 想知道究竟哪間的腸粉好吃一點, 答案是...自己喜歡佳記多一點, 雖然佳記奉上食物時, 同樣是熱騰騰, 多醬汁, 有米漿味, 滑身, 最重要的是腸粉本身比較腍, 更容易入口, 口感再滑一點, 還有佳記的甜醬, 入口比較淡身, 甜味不會蓋過食物本身的味道, 至於魚蛋, 細細粒, 爽口彈牙, 少少魚肉味蒜茸香棘雞翼尖--雖然自己並非好棘和喜歡雞翼尖, 但是仍然願意接受這個食品, 端上時熱辣辣, 雞翼尖估計至少十多二十隻, 除了雞翼尖, 碟上盛滿蒜茸香棘汁, 蒜茸香棘味已經完全滲入雞翼尖內, 十分惹味榴槤班戟--原先選擇鮮榴槤布甸和榴槤糯米卷, 可惜售罄, 剩下的只有這個榴槤班戟, 撕破包裝後, 已經傳來陣陣芬芳的榴槤味, 由於剛從雪櫃取出, 仍然保持冰涼, 弄開班戟, 內裡盛滿榴槤肉和忌廉, 其比例大約6比4, 榴槤肉十分豐富, 可惜榴槤肉帶少許苦澀味, 班戟則稍為厚身, 有少少硬, 會不會是這些原因, 賣剩榴槤班戟?!