丼丼屋 (已結業)

本來睇雜誌見到佢讚果個千層豬扒飯，去試過一次，都只係覺得中上。之後睇到大家食評先知，原來揀左野食。今日揸車去左ELEMENTS間丼丼屋試大家都強力推薦嘅滑蛋豬扒飯，由於我6點幾7點去食，都唔係好洗等位，入到去就第一時間叫左個滑蛋豬扒飯先，都唔算等左好耐 around 10分鐘啦嘩！一睇就覺得好吸引啦，豬扒吸落去，外皮半硬半軟，肉質又鬆化又有咬口。而佢個滑蛋又有好濃郁嘅蛋香味。真係天衣無縫嘅配合。真係食食下就食曬成碗都唔夠喉。而ELEMENTS6點鐘入車又有得free 3個鐘，食完睇埋戲岩岩好。