上海老家 (已結業)

真的好耐未食過上海菜，呢日因為屋企附近間上海菜館結業，我先至諗起件事。咁啱同住喺大角咀的朋友傾開，佢就推薦咗“上海老家”呢間餐廳。店舖唔算太大，但檯和檯之間有一定距離，亦有隔板。而且都可以掃QR code 點餸，有wi-fi提供，真係好方便。“雪菜毛豆百頁”，好地道的上海菜，簡簡單單但又好味道，雪菜味道啱啱好，毛豆有口感，唔錯。“醬爆雞丁”，雞丁和翠玉瓜的配搭，好夾，食落好舒服。以上兩個係lunch set , 跟一湯，一飯，呢日的湯係栗米，蘿蔔，豬骨湯，好足料吖。“蒜泥白切肉"和"油炆荀"係單點小菜，蒜泥白肉的蒜泥唔同我平時食的白色蒜泥，而係炸蒜，都好惹味，另一種滋味；油炆荀好耐冇食，勁鮮和嫩，係最快清盤的一碟。