影片
更多
2017-07-18
152 瀏覽
入到嚟坐低，見到今期個special menu居然係螞蟻蛋！朋友們非常雀躍要試，怕昆蟲嘅我就... 好啦，我睇佢哋食啦餐具又幾得意喎［螞蟻香葉包，$168］賣相好靚啊！朋友們一手拎起，包實佢就成個擺落口，食完同我報告話佢味道香辣，而螞蟻蛋咬落好似三文魚籽咁樣會爆開，叫我一定要試喎... 但我都係衝破唔到我嘅心理關口😂［螞蟻蛋冬蔭功泡飯，$168］如果我唔知佢係螞蟻蛋，我諗我都會食咗佢，因為啲蛋睇落好似炸米通，放喺湯飯上鬼咁自然😂 朋友們一碗接一碗食到鬼咁滋味，咁我就隔走哂啲蟻蛋試吓個湯啦，酸酸辣辣嘅冬蔭功又真係好好飲喎［椰青特飲，$58］好彩我有我呢個椰汁沙冰陪我，如果唔係真係坐喺度齋睇佢哋食蟻蛋半個鐘😂沙冰打得好細滑，椰味清新，消暑一流呀［泰式燉花膠，$398］用砂煲上嘅燉花膠熱辣辣，仲有芽菜同辣醋可以自己加好足料呀，除咗花膠，仲有冬菇同蟹肉呀。花膠燉得非常腍，膠質豐富，加咗醋後有少少酸酸辣辣，幾啱我［泰式燒牛扒，$178］牛扒大約五成熟，依然juicy點過醬汁嘅牛扒用生菜包住，再隨意加上芫荽或其他香葉，一啖擺落口，好有泰式風味［秘製黑椒炒蟹，$388］好澎湃嘅一個餸呀！揭起蟹蓋，下
入到嚟坐低，見到今期個special menu居然係螞蟻蛋！朋友們非常雀躍要試，怕昆蟲嘅我就... 好啦，我睇佢哋食啦
餐具又幾得意喎
［螞蟻香葉包，$168］賣相好靚啊！朋友們一手拎起，包實佢就成個擺落口，食完同我報告話佢味道香辣，而螞蟻蛋咬落好似三文魚籽咁樣會爆開，叫我一定要試喎... 但我都係衝破唔到我嘅心理關口😂
［螞蟻蛋冬蔭功泡飯，$168］如果我唔知佢係螞蟻蛋，我諗我都會食咗佢，因為啲蛋睇落好似炸米通，放喺湯飯上鬼咁自然😂 朋友們一碗接一碗食到鬼咁滋味，咁我就隔走哂啲蟻蛋試吓個湯啦，酸酸辣辣嘅冬蔭功又真係好好飲喎
［椰青特飲，$58］好彩我有我呢個椰汁沙冰陪我，如果唔係真係坐喺度齋睇佢哋食蟻蛋半個鐘😂
沙冰打得好細滑，椰味清新，消暑一流呀
［泰式燉花膠，$398］用砂煲上嘅燉花膠熱辣辣，仲有芽菜同辣醋可以自己加
好足料呀，除咗花膠，仲有冬菇同蟹肉呀。花膠燉得非常腍，膠質豐富，加咗醋後有少少酸酸辣辣，幾啱我
［泰式燒牛扒，$178］
牛扒大約五成熟，依然juicy
點過醬汁嘅牛扒用生菜包住，再隨意加上芫荽或其他香葉，一啖擺落口，好有泰式風味
［秘製黑椒炒蟹，$388］好澎湃嘅一個餸呀！
揭起蟹蓋，下面係無窮無盡嘅黑椒，同埋新鮮嘅胡椒，鑊氣十足，香氣撲鼻呀！蟹蓋係充滿住橙黃色嘅蟹羔，食美食就唔好諗佢有幾多膽固醇咁掃興啦，食咁先算同黑椒汁同新鮮胡椒一齊食更惹味呀！
蟹鉗好大隻，肉質結實鮮甜。而且蟹殼已經扑碎咗，食起上嚟都幾方便
［原條鹽燒魚，$208］原條盲曹用鹽封住拎去燒，食嘅時候連鹽帶皮好易就可以整塊揭起
魚肚入面塞滿香料，燒到成條魚都非常香噴噴，而且冇細骨、魚肉鮮味嫩滑，推介
［怕靚牛尾，$188］初初唔知咩係「怕靚」，朋友話係食咗唔怕太靚喎原來佢係泰國嘅一種咖哩，味道香濃帶甜味，牛尾亦煮得好入味、好腍。蒜蓉包鬆脆香口，用嚟清咖哩汁就最好不過
［榴槤糯米飯，$128］冇食到飯嘅我，甜品就叫返個榴槤糯米飯補返啲飯氣啦。榴槤用上金枕頭，味道清甜、口感細滑，非常令人回味。糯米飯充滿椰香，口感煙韌，浸喺椰汁入面仍然暖暖哋，好食過平時食到嘅凍冰冰糯米飯好多
張貼
