Oddies (已結業)

去完PMQ行展覽後，行左去歌賦街打算食少少野休息一陣，本來打算去Munchies 買Donuts , 但朋友想食雪糕，最後就行左去Oddies。呢間分店有座位的，可以坐低慢慢食，同灣仔要邊行邊食好唔同！灣仔嗰邊只有幾款Signature 的雪糕，這裡卻有十多款的手製Gelato, 店員都好主動俾你試味，介紹做法，所以我地最後決定食呢間。試左幾款都拿不定主意，花生醬又香又濃，有啲就混合了果蓉，所以企喺度都揀左好耐下。我揀左呢度獨有的 JAR LATO $58，今日共有四款口味，而我本人是極愛熱情果的，見到呢個口味有好多果蓉就會揀佢，玻璃樽入面有不同的材料，一層叠一層做成Layer。上面可以再加Gelato 或軟雪糕，我揀左薑味的gelato 一球 （加$20），味道不算辛辣，帶著淡淡然的奶香，Gelato 不易溶，整體都幾合我心水。JAR LATO, 入面有混合左穀物Crumbles, 果醬，Mango Gelato, 單食都可以享受多層口感，果味清新，酸酸甜甜。仲有香港人至愛的雞蛋仔，臘味味你又有無興趣一試，btw, 當日咁啱有人叫，真係半間舖都聞到臘味香呢！