影片
更多
2016-12-10
3123 瀏覽
話說今日下午同老公第一次去金碧酒家食晏，大鄉里以為有點心食，原來是沒有的，沒緊要，可以食碟飯，老公已經問二個碟頭飯可能多咗啲喎，但自問我都唔（細食）㗎，最多可能剩抵少少啫。於是同嗰女伙計亞姐叫咗二碟飯。亞姐就順勢問埋要唔要豬肺湯，仲話好好飲㗎，【我哋一心以為喺例湯，要另外俾錢先有得飲，我承認呢個喺我哋疏忽咗，亦無問嗰豬肺湯喺乜嘢價錢，因為怕俾人笑，飲碗例湯都要問咗價錢先決定要唔要😩】於是老公就要咗一個豬肺湯（好彩要一個咋😳），過咗一陣，第一碟飯到咗，但點解仲未俾湯我哋嘅?無環由咁耐㗎?再環顧周圍，冇人有湯飲嘅?莫非唔喺例湯咁簡單?心諗算喇，二個人嘅份量應該唔會太貴嘅。點知嗰豬肺湯原來喺杏汁豬肺湯一盅，份量應該有8～10個白飯嘅碗咁多（而且仲好多料㖭。）於是問亞姐點解咁大碗㗎，二個人點飲得晒呀，你估亞姐點答呀！佢話:你哋都無問，仲話頭先有個亞伯一個人都叫咗一個嚟飲㖭，我真喺唔識得俾反應佢呀！於是問吓幾多錢，同時要求取消未嚟嘅第二碟飯，亞姐話要睇單，轉頭就話嗰杏汁豬肺湯要$100（其實喺以佢嘅份量呢講真喺唔貴，問題喺二個人飲就真喺點飲得晒喎），然後話第二碟飯已經出咗，唔可以取消，呢個我明嘅
後話 : 條氣有少少唔順，上嚟睇吓其他人嘅食評，發現有個人話夜晚食飯時，覺得嗰杏汁豬肺湯，豬肺得幾嚿，啲湯色又唔夠白色，好似加水翻㷛咁。我就笑出嚟，梗喺喇，午巿已經不斷叫人飲呢個湯，到晚巿可能唔夠賣，咪會攪成咁囉。
酒家嘅金句 「你不來第二次是我們的錯」，原來是真的。呢個喺我哋第一次嘅幫襯，亦是最後一次嘅幫襯。
張貼