農舍 (已結業)

今日佛誕，本身諗住入長洲玩下嘅，但係去到碼頭見到條龍好長，咁就轉場入南丫島啦。南丫島今日唔多人，大部份餐廳都唔使排隊，轉場真係一個唔錯嘅選擇。既然今日佛誕，所以就去食素啦。 行過農舍，見到入邊都幾 cozy，我哋一行五人就入咗去試吓。我地叫左 知知的抉擇，有素火腿、炒蛋、磨菇、茄汁豆、全麥多士同沙律。 $75 包熱飲。 素火腿好香，磨菇都好爽口，番茄都好新鮮，抵食。另外叫左egg benedict $70，都係有番茄、素火腿、火箭菜沙律，個蛋面放左d香料，個人覺得麻麻地，唔太鍾意果陣味。不過 overall 隻蛋中煮得好好味，唔會太熟。仲有英式鬆餅西多士 $58，呢個麻麻地，唔鍾意佢嘅肉桂味同埋個餅個質感 另外加左薯餅，$12一塊，都ok、冇特別。