影片
更多
2020-01-05
1080 瀏覽
閒日中午12點幾未係好多人 坐低左一陣想問侍應攞幾杯水 咁岩有個肥肥地黑口黑面嘅圍住米色圍裙(簡稱佢做‘米裙’) (疑似比普通黑色圍裙高一級個啲)嘅行過 就唔該佢幫我地攞 佢行過望一望我地完全無出聲向前走再反個白眼就去左攞俾我地 見佢咁嘅態度本來就唔想搵佢幫我地落單 但我遲到嘅個個朋友未知發生咩事 又咁岩個個’米裙‘係隔離就叫佢埋黎落單 ‘米裙’稍一稍我地之後就完全無視當我地食玻璃大 最後我地叫左個黑圍裙嘅過黎落單 之後一切尚算正常(除左間唔時見到'米裙'個厭世樣 好唔想撈咁執碗碟同極唔願意咁排番啲凳) 佢地個焗葡國雞飯酸嘅我地諗住可能係個汁本身係酸酸地(加左青檸汁咁嘅樣)但係原來啲雞仲酸 酸到我擔心係變壞左 就問左幫我地點餐個黑圍裙侍應 佢話個飯本身應該係咁但再幫我地問下 佢番黎問我地有無想轉第二啲嘢食 我話我純粹想知係本身個飯係酸嘅定係可能變壞左(大佬如果係變壞左嘅仲有下個食客會點咖麻咁就大家齊齊瀨嘢) 跟住見佢有啲為難咁同個'米裙'打眼色 ‘米裙’個樣係: 問咁多嘢都唔會有答案俾到你 換就換 唔換第樣就罷個啲樣黑圍裙番黎都係問多次我地想唔想換過第二個餐 我最後因爲趕時間唔想再等所
坐低左一陣想問侍應攞幾杯水
咁岩有個肥肥地黑口黑面嘅圍住米色圍裙(簡稱佢做‘米裙’) (疑似比普通黑色圍裙高一級個啲)嘅行過
就唔該佢幫我地攞
佢行過望一望我地完全無出聲向前走再反個白眼就去左攞俾我地
見佢咁嘅態度本來就唔想搵佢幫我地落單
但我遲到嘅個個朋友未知發生咩事
又咁岩個個’米裙‘係隔離就叫佢埋黎落單
‘米裙’稍一稍我地之後就完全無視當我地食玻璃大
最後我地叫左個黑圍裙嘅過黎落單
之後一切尚算正常(除左間唔時見到'米裙'個厭世樣 好唔想撈咁執碗碟同極唔願意咁排番啲凳)
佢地個焗葡國雞飯酸嘅
我地諗住可能係個汁本身係酸酸地(加左青檸汁咁嘅樣)
但係原來啲雞仲酸 酸到我擔心係變壞左
就問左幫我地點餐個黑圍裙侍應
佢話個飯本身應該係咁但再幫我地問下
佢番黎問我地有無想轉第二啲嘢食
我話我純粹想知係本身個飯係酸嘅定係可能變壞左(大佬如果係變壞左嘅仲有下個食客會點咖麻咁就大家齊齊瀨嘢)
跟住見佢有啲為難咁同個'米裙'打眼色
‘米裙’個樣係: 問咁多嘢都唔會有答案俾到你 換就換 唔換第樣就罷個啲樣
黑圍裙番黎都係問多次我地想唔想換過第二個餐 我最後因爲趕時間唔想再等所以不了
老老實實我地真係未食過酸嘅葡國雞飯啊喂
另外個'米裙'過黎收碟係唔駛問就直接拎走 我個仔隻私家匙羹仲係碗裡面 如果我老公唔叫住佢嘅話就已經俾佢收埋
總之嘢食總括黎講都係好一般
三個餐加一個Light set去左五舊水真係一啲都唔值
咁嘅服務態度點解仲可以生存到?! 啲經理去哂邊? 點教啲員工? 即係你唔想做就咪做 我咁大個人第一次專登開個acc黎寫負評 真係諗起都把鬼火
I DO NOT recommend this place to anyone.
張貼