牛石料理 (已結業)

今日同老公黎到位於九龍城嘅牛石料理慶祝生日。店內環境舒適，每張枱上都有一個稱為麥飯石嘅爐子。麥飯石係火山岩嘅一種，無毒無害，係藥用岩嘅一種，含有豐富礦物質，仲可以用來過濾食水。用麥飯石來燒烤，煮嘅途中麥飯石會溶出礦物質，令到食物更加有營養，可以幫助消化同埋有抗氧化功能，真係好神奇。岩蠔及清蠔岩蠔勁大隻，食到有海水味，好肥美。而清蠔就細細隻，入口好新鮮。鰹魚沙律 冷吃鰹魚刺身沙律，鰹魚魚味較重，所以上面放有咸咸地嘅醬汁，撈埋底下嘅沙律食就啱啱好，味道幾清新。海膽帆立貝燒 帆立貝好大粒，又燒得好香，入口鮮甜而且啖啖肉。海膽鋪喺面，平時食海膽係凍食，今次熱食，感覺幾特別。日本佐賀和牛 (160g) 佐賀牛價錢唔平，雖然得6塊，計起上黎成70蚊一塊，但雪花紋超靚，燒完入口好嫩，好Juicy，油脂滿溢，牛肉味都好出，絕非一般貨色。甜品最後仲送埋自家制布丁，好甜好好味，老公生日表示好滿意。