大街小館 (已結業)

喺佐敦附近同幾個朋友食完晚餐，當然要食埋甜品作結啦！之前我哋喺黃大仙食過大街小館，甜品非常好食，今次到佐敦試吓佢嘅分店，一樣都係要排隊等位，不過值得嘅！因為今次食到我一直好想食嘅木瓜甜品！椰汁雪耳桃膠燉木瓜(熱)$46- 可能因為即叫即燉嘅關係，要等十幾二十分鐘。木瓜甜品暖笠笠，份量都幾大個，椰汁雪耳桃膠多到要另外用個杯載住，椰汁少甜，食到木瓜本身嘅甜味，雪耳桃膠增添口感，感覺非常養顏同飽肚。食唔食到呢個甜品好講彩數，高度推介！黑糖芋圓仙草凍$38- 另一推介之選！朋友食呢個仙草凍，可以自選雪糕口味，佢哋揀咗自家製藍色嘅海鹽同綠色嘅玄米味道，口味獨特，同仙草凍都好配合，夏天食啱啱好！芋圓、小丸子口感煙韌，有淡淡嘅甜味。