見到好多我好鍾意食嘅日式前菜，有八爪魚、中華沙律、螺肉、涼拌菠菜芽菜、韓式泡菜蘿蔔等，韓式泡菜等，其中有個薯仔沙律，加埋粟米粒，多重口感，新鮮好食。
炸物都好有水準，尤其剛炸起的蝦多士、大蝦天婦羅，入口卜卜脆，好惹味👍
牛舌芯無論薄切及厚切都咁爽口，蘸上燒烤汁，已好美味，另外都試咗特長牛舌，柔軟薄切，質感真係好似食牛肉咁🤤, 今次專攻牛五花，唔好睇佢有肥膏，烤完只剩番小小，帶點焦香同油香嘅牛五花夾住生菜嚟食，可以解膩👍雞肉揀咗雞腿肉，大大件厚切，烤完仍保持肉質鮮嫩juicy👍
我地都烤左多春魚、鯖魚同青口，今次好開心,多春魚一向好難烤得靚，但今次烤得完整無缺，連鯖魚我地都烤得好靚
甜品方面有Tiramisu、芒果布甸、士多啤梨奶凍、杯裝雪糕等，其中我覺得Tiramisu同芒果布甸最好食🤤
10O 分鐘「$198焫着夏日FIESTA」燒肉放題真係好抵食，（加$52任飲清酒、生啤、威士忌梳打），推廣時段：由星期一至日及公眾假期，全日供應👍仲唔快啲book位🙌🏻
