Cafe Addict (已結業)

佐敦行去尖沙咀條街道，附近一直都比較少可以坐得耐既地方，有時同朋友出尖沙咀又唔想去咁多人既地方，彌敦道Cafe要去到油麻地同旺角果邊，比較遠。見最近多左間Cafe在港鐵佐敦站C1出口，步行幾分鐘就到，見咁方便就去試試。店內裝飾走黑色型格路線，樓底很高，吊幾有氣氛，座位寬敞舒適，最後坐左差唔多兩個鐘。餐廳有套餐，意粉、飯類等，當休息既可以飲杯coffee、milkshake或cocktails ，再食件蛋糕，選擇總類幾多。紫綠為馬個名幾特別，叫杯聖誕特飲試一試，黎到賣相靚，有少少奶蓋，飲到香濃綠茶味，有層次！香草雞胸肉羅勒醬長通粉，青醬味的羅勒醬長通粉好惹味，再配埋雞胸肉，夠清新。煙三文魚蝴蝶粉幾岩鍾意食芝士的朋友，醬汁夠香口，配上煙三文魚口感豐富，唔錯。