Oink Square Coffee & Crêpe (已結業)

週末到尖沙咀佐敦一帶行街，估唔到喺德興街恆豐酒店隔離搵到一間專賣可麗餅同牛角包窩夫嘅小店，小店種類選擇繁多，唔同口味任君選擇。<君主可麗餅> $65咁多配料唔知揀咩好？君主可麗餅就啱晒你。除咗有榛子醬、士多啤梨、藍妹、紅桑子、芒果、香蕉、開心果、朱古力針、朱古力醬仲有忌廉，材料豐富，幾乎每一啖都食到唔同嘅水果配料🥰可麗餅皮質地偏軟熟，內裏包住無限多忌廉，絕對喺打卡得黎又好味。<藍苺芝士蛋糕牛角包窩夫> $45牛角包窩夫喺小店最近嘅新產品，牛角包整成格仔餅嘅形狀，送到手上仍熱辣辣，酥香鬆脆。我尤其喜歡藍苺芝士蛋糕、藍莓粒和藍莓醬的組合，清新不膩。<紫薯鮮奶特飲> $42紫薯鮮奶為小店的招牌飲品，用料實在，紫薯蓉與鮮奶的混搭難得不會太甜，形成粉紫色夢幻效果，口感順滑，喜歡。